Azərbaycan millisinin hücumçusu Ruslan Qurbanov Topaz Premyer Liqasında "Neftçi"nin heyətində 50-ci oyununu keçirib. SİA-nın məlumatına görə, o, yubileyini XXII turun "Qarabağ"la matçında qeyd edib. Qurbanov bu qarşılaşmalarda 13 qol vurub. 2010/11 mövsümündə debüt etdiyi ağ-qara formada 6 matça çıxan hücumçu 2013/14 mövsümündə 15 oyunda 3 qol vurub. Ötən çempionat 11 görüşdə 3 dəfə fərqlənən milliləşən legioner cari mövsümdə məhsuldarlığı ilə seçilib. 18 oyunda 7 qola imza atan Qurbanov hesabını 13 topa çatdırıb. "Neftçi"dən başqa yalnız "Sumqayıt"da oynamış Qurbanovun hesabında ümumilikdə Premyer Liqada 103 matçda 22 qol var.
Bütün xəbərlər Facebook səhifəmizdə
USD
EUR
GBP
RUB