Bu gün bəzi saytlarda Bakıda ilk dəfə keçiriləcək 2016 "Formula-1" Avropa Qran Prisinə biletlərin qiymətlərində bahalaşmanın olduğuna dair həqiqəti əks etdirməyən məlumat yayılıb. Bununla bağlı Bakı Şəhər Halqası şirkəti açıqlama yayıb. Açıqlamada qeyd olunur ki, yarışla bağlı biletlərin qiyməti dollar əsasında təyin olunub və indiyədək həmin qiymətlərdə hər hansı bir dəyişiklik olmayıb. Bidirilir ki, bilet satışının olduğu sayta (https://tickets.bakucitycircuit.com) Azərbaycan ərazisindən daxil olan istifadəçilərin birbaşa, ancaq imtiyazlı qiymətlərə çıxışı olur. Ölkə xaricindən həmin sayta daxil olanlara isə biletlər tam qiymətdə göstərilir.
Qeyd edək ki, Azərbaycan Respublikası vətəndaşları üçün bilet qiymətlərində xüsusi endirimlər (20-40%) tətbiq edilib və biletlərin qiyməti 19-472 dollar (indiki məzənnə ilə 30 manatdan 750 manata qədər) aralığındadır. 19 dollarlıq bilet yarış məkanına bir günlük, digər bütün biletlər isə 3 günlük giriş icazəsi verir. Üçgünlük biletə sahib olanlar eyni zamanda yarış həftəsonu ərəfəsində keçiriləcək konsert proqramlarında da iştirak edə biləcəklər.
Bütün xəbərlər Facebook səhifəmizdə
USD
EUR
GBP
RUB