Yeniyetmə və gənclərdən ibarət seçmə komandalarımız Kiprdə 23-cü Avropa çempionatında iştirak edəcəklər. SİA-nın xəbərinə görə, 3 fevral tarixində Limassol şəhərinə yola düşən nümayəndə heyətinə 17-si idmançı olmaqla 29 nəfər daxildir.
14-15 yaşlı yeniyetmələrin böyük məşqçisi Anar Allahverdiyev Müseyib Məmmədova (-52 kq), Hümmət Baxşəliyevə (-57 kq, avropa və dünya üçüncüsü ), Mədinə Sadıqova (-47 kq) və Renata Ərəbliyə (-54 kq) güvənir. Gənclərin böyük məşqçisi Şahin Xudaverdiyev isə 16-17 yaşlılardan 3 idmançının, 18-20 yaşlılar arasında isə 8 karateçinin yarışa yollanmasını qərara alıb. 16-17 yaşlı gənclərdən Murad Balakişiyev (-76 kq), Murad Hacızadə (+76 kq, dünya beşincisi) və Fidan Teymurova (-48 kq, dünya ikincisi) tatamiyə çıxacaq. 18-20 yaşlı gənclərdə Ülvi Qurbanov (-60 kq, yeniyetmələr arasında avropa üçüncüsü), Şahin Quluzadə (-67 kq, komandanın kapitanı) Vüsal Kamallı (-75 kq), Nəcməddin Bünyadov (-84 kq), Sərxan Quluzadə (+84 kq, dünya kubokunun qalibi, dünya beşincisi), Fəridə Abiyeva (-61 kq, dünya kubokunun qalibi, dünya beşincisi), İrina Zarteska (-68 kq, gənclər arasında Avropa və dünya çempionu, dünya ikincisi, böyüklərdə Avropa üçüncüsü, Avropa Oyunlarının qalibi) və Fəridə Əliyeva (+68 kq, dünya kubokunun qalibi, dünya üçüncüsü) mübarizəyə qatılacaq. Kata üzrə böyük məşqçi Vahid Ayvazov 16-17 yaşlılarda Roman Heydərlinin, 18-20 yaşlı gənclərdə isə Rafiq Əmirovu bir daha sınaqdan keçirəcək.
Federasiyanın prezidenti, Dünya Karate Federasiyası Texniki komitəsinin üzvü Yaşar Bəşirovun başçılığı ilə Kiprə yollanan heyətdə 1-ci vitse-prezident Rəhman Hətəmov, vitse-prezident və yarışın hakimlərindən beynəlxalq hakim Yusif Məmmədov, digər beynəlxalq hakimlər Cahangir Babayev, Vüqar Kərimov və Rənad Əliyev, eləcə də İ.Zaretskanın şəxsi məşqçisi Denis Morozov, həkim Pərvin Əkbərov və Media və İctimaiyyətlə işlər katibi Sənan Məhərrəmov da var.
Bütün xəbərlər Facebook səhifəmizdə
USD
EUR
GBP
RUB