Azərbaycan Taekvondo Federasiyasının (ATF) təşkilatçılığı ilə böyüklər arasında respublika çempionatı keçiriləcək.SİA-nın məlumatına görə, federasiyanın Gənclər və İdman Nazirliyi ilə birgə təşkil edəcəyi çempionat dekabrın 25-27-də Bakıda "Sərhədçi" İdman Olimpiya Mərkəzində baş tutacaq.
Yarışlara paytaxt və bölgələrdə fəaliyyət göstərən komandalar, səkkiz çəki dərəcəsində taekvondoçu kişilər və qadınlar qatılacaq. Fəxri yerləri tutan idmançılar və komandalar ATF tərəfindən diplom və medallarla təltif olunacaq.
Çempionat Azərbaycanda taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, böyüklər arasında kişilər və qadınlar üzrə yığma komandanın tərkibinin müəyyənləşdirilməsi, ATF mütəxəssislərinin və hakimlərinin peşəkarlığının, idmançıların yarış təcrübəsinin və ustalığının artırılması məqsədi daşıyır.
Turnirin keçirilməsinə bilavasitə federasiyanın hakimlər və təşkilat komitələri rəhbərlik edəcək.
"Daeodo" international taekvondo sistemi ilə keçiriləcək və "video təkrar" sistemi tətbiq olunacaq çempionatda ATF-yə üzv idman bölmələrində məşğul olan və müvafiq hazırlığa malik idmançılar mübarizə aparacaqlar.
Bütün xəbərlər Facebook səhifəmizdə
USD
EUR
GBP
RUB