Nəqliyyat Nazirliyi "Azəryolservis" ASC-də 2015-ci ilin doqquz ayının yekunlarına və qarşıda duran vəzifələrə həsr olunan iclas keçirilib. Qurumun mətbuat xidmətindən SİA-ya verilən məlumata görə, cəmiyyətin sədr əvəzi Saleh Məmmədov ötən illərdə olduğu kimi cari ilin 9 ayı ərzində də "Azəryolservis" ASC tərəfindən ölkəmizdə yol-nəqliyyat infrastrukturunun yenidən qurulması işi və yeni yolların salınması ilə bağlı layihələrin uğurla davam etdirildiyini qeyd edib.
Vurğulayıb ki, son illərdə yol infrastrukturunun müasirləşdirilməsi, hərtərəfli inkişafı üçün çox böyük işlər görülüb və hazırda da uğurla davam etdirilir. Bu istiqamətdə ölkə başçısı İlham Əliyevin tapşırığına əsasən, Nəqliyyat Nazirliyi rəhbərliyinin nəzarəti altında "Azəryolservis" ASC tərəfindən görülən işlər xüsusi əhəmiyyət kəsb edir.
Hesabat iclasında qeyd olunub ki, 2015-ci ilin 9 ayı ərzində 289,3 km uzunluğunda ümumi istifadədə olan yeni avtomobil yolları tikilib, yenidən qurulub və təmir olunub. Sözügedən müddətdə 12 ədəd yeni avtomobil körpüsü tikilib və 2 ədədi təmir edilib, 2 ədəd tunel və 7 ədəd piyada keçidi istismara verilib.
2015-ci ilin 9 ayı ərzində 38 adda küçə və prospektdə 370,4 min m2 sahədə əsaslı təmir işləri aparılıb. Bakı şəhərinin 12 inzibati rayonu ərazisində 97,7 min m2 sahədə çala təmiri işləri yerinə yetirilib.
İclasda 2015-2016-cı illərin payız-qış mövsümünə hazırlıq məsələsinə də xüsusi diqqət ayrılıb. Bildirilib ki, Cəmiyyətin Tədbirlər Planına uyğun olaraq bütün idarə və müəəssisələrdə hazırliq işləri başa çatmaq üzrədir.
Ümumilikdə payız-qış mövsümündə, xüsusi ilə qarlı-şaxtalı havalarda avtomobil yollarınına, prospekt və küçələrə xidmət, həmçinin yolların qardan təmizlənməsi üçün kifayət qədər (Bakı şəhərində 382 ədəd, respublika yollarına xidmət üçün 659 ədəd) yol texnikası, maşın və mexanizmlər hazır vəziyyətə gətirilib. Bundan başqa, tələb olunan miqdarda qum və texniki duz ehtiyyatının toplanması işləri də davam etdirilir.
Bütün xəbərlər Facebook səhifəmizdə
USD
EUR
GBP
RUB