Naxçıvan şəhəri Olimpiya İdman Kompleksində Ümummilli Lider Heydər Əliyevin xatirəsinə həsr olunmuş sərbəst güləş üzrə gənclər arasında "Naxçıvan Kuboku" uğrunda ənənəvi beynəlxalq turnir keçirilib. SİA-nın məlumatına görə, turnirdə Azərbaycan, Naxçıvan, Rusiya, Türkiyə, Gürcüstan, Özbəkistan, Qazaxstan və İran komandaları iştirak edib. Komanda xarakterli yarışda iştirak edən heyətlər püşkə əsasən iki yarımqrupda mübarizə aparıb. A yarımqrupunda Azərbaycan, Gürcüstan, Özbəkistan və İran, B yarımqrupunda isə, Naxçıvan, Türkiyə, Rusiya və Qazaxstan komandaları yarışıb.
Öz yarımqruplarında birinci olmuş Azərbaycan və Rusiya komandaları finalda qarşılaşıb. Ümumi hesabda bərabərlik qeydə alınsa da, xal hesabında rəqibindən üstün olan güləşçilərimiz turnirin baş mükafatını qazanıb. Rusiya yığması ikinci olub. Bürünc medalın taleyi isə, Gürcüstan və Türkiyə yığmalarının görüşündə müəyyənləşib. 4:4 hesablı bərabərliklə tamamlanan görüşdə Gürcüstan yığması xal hesabındakı üstünlüyünə görə "Naxçıvan Kuboku" uğrunda beynəlxalq turnirin bürünc mükafatını qazanıb.
İlk üç yeri tutan komandalar Azərbaycan Güləş Federasiyası tərəfindən medal və diplomlarla təltif edilib. Daima güləşçilərin yanında olan və onları dəstəkləyən "Yeni Həyat" Şirkətlər qrupu tərəfindən Ümummilli lider Heydər Əliyevin xatirəsinə həsr olunmuş "Naxçıvan Kuboku" uğrunda beynəlxalq turnirin qalibləri üçün 100 000 ABŞ dolları məbləğində pul mükafatı da ayrılıb. Birinci yeri tutan komanda 50000, ikinci yerin sahibi 30000, üçüncü yerin qalibi isə 20000 ABŞ dolları ilə mükafatlandırılıb.
| Dövrə | A yarımqrupu | Hesab | Nəticə | Dövrə | B yarımqrupu | Hesab | Nəticə | |
| I |
Azərbaycan - Gürcüstan Özbəkistan - İran |
6:2 7:1 |
1. AZƏRBAYCAN 2. Gürcüstan 3. Özbəkistan 4. İran |
I |
Naxçıvan - Türkiyə Rusiya - Qazaxstan |
3:5 8:0 |
1. Rusiya 2. Türkiyə 3. Naxçıvan 4. Qazaxstan |
|
| II |
Azərbaycan - Özbəkistan Gürcüstan - İran |
7:1 8:0 |
II |
Naxçıvan - Rusiya Türkiyə - Qazaxstan |
1:7 5:3 |
|||
| III |
Azərbaycan - İran Gürcüstan - Özbəkistan |
8:0 7:1 |
III |
Naxçıvan - Qazaxstan Türkiyə - Rusiya |
7:1 |
|
7-ci yer uğrunda |
İran - Qazaxstan | 0:8 | |
| 5-ci yer uğrunda | Özbəkistan - Naxçıvan | 2:6 | |
| 3-cü yer uğrunda | Gürcüstan - Türkiyə | 4*:4 (19:16) |
| FİNAL - AZƏRBAYCAN - RUSİYA | 4*:4 | YEKUN |
|
50 kq - Arif Hüseynov - Aslan Minkailov 55 kq - Mahir Əmiraslanov - İbrahim İlyasov 60 kq - Mahal Novruzov - Din-İslam Adjiev 66 kq - Teymur Məmmədov - Tayqib Həsənov 74 kq - Məhəmmədhacı Muxutov - M.İmamşapiev 84 kq - M.Qazıməhəmmədov - Cəbrayıl Şapiev 96 kq - Turxan Qurbanov - Tacuddin Muxtarov 120 kq - Səid Həmidov - Maqomedamil İsrailov |
4:6 0:10 4:0 (tuşe) 8:6 7*:7 6:8 5:7 8:0 (tuşe) |
1. AZƏRBAYCAN 2. Rusiya 3. Gürcüstan 4. Türkiyə 5. Naxçıvan 6. Özbəkistan 7. Qazaxstan 8. İran |
Bütün xəbərlər Facebook səhifəmizdə
USD
EUR
GBP
RUB