"Sabah 3x3 basketbolunda artıq bizim ilk oyunumuzdur. Çərşəmbə günü Sloveniya, daha sonra isə Slovakiyaya qarşı oyun keçirəcəyik". SİA-nın məlumatına görə, bu sözləri irlandiyalı basketbolçu Orla Oreili bu gün Avropa Oyunları ilə bağlı keçirilən mətbuat konfransı zamanı açıqlamasında deyib. O qeyd edib ki, Avropa Oyunları çərçivəsində 3x3 basketbolu üzrə Azərbaycana güclü komandalar gəlib. Yarışlara qatılan tamaşaçılar bu yeni idman növünü müsbət qarşılayacaqlar: "Azərbaycana çox güclü komandalar gəlib. 3x3 basketbolu sürət tələb edir. Hesab edirəm ki, bu yarışlar tamaşaçılar tərəfindən müsbət qarşılanacaq. Mən 15 il əvvəl 5x5 basktebolundan idmana başlamışam. Dünyada qadınlar arasında bu basketbol növünün populyarlaşması davam edir".
İrlandiyalı basketbolçu onu da qeyd edib ki, Serbiya komandası güclü rəqibdir. Lakin Azərbaycanın da güclü basketbolçuları var. Tamaşaçılar gözəl oyunların şahidi olacaqlar: "Basketbol komandaları arasında ciddi rəqib kimi Serbiya komandasını görürük. Çünki, onlar son dünya çempionatının da qalibidir. Bundan başqa, Azərbaycanın da güclü basketbolçuları var. Hesab edirəm ki, yarışlara qatılan tamaşaçılar gözəl və sürətli oyunun şahidi olacaqlar".
Bütün xəbərlər Facebook səhifəmizdə
USD
EUR
GBP
RUB