Tarixdə ilk dəfə keçiriləcək Avropa Oyunları çərçivəsində güləş yarışları iyunun 13-18-də Heydər Əliyev adına İdman Sarayında təşkil olunacaq. SİA-nın məlumatına görə, Oyunlara hazırlaşan sərbəst, qadın və yunan-Roma güləşi üzrə yığma komandalarımız yarışların keçiriləcəyi Heydər Əliyev adına İdman Sarayında məşq ediblər. Məşq prosesini Azərbaycan Güləş Federasiyasının (AGF) I vitse-prezidenti, Dünya Güləş Birliyi İcraiyyə Komitəsinin üzvü Namiq Əliyevlə yanaşı, federasiyanın vitse-prezidentləri Məhəmməd Aliomarov və Namiq Abdullayev, AGF-nin baş katibi Əjdər Cəfərov da izləyib.
Qeyd edək ki, "Bakı-2015"in proqramına hər 3 güləş növü üzrə yarışlar daxil edilib. Heydər Əliyev adına İdman Sarayında baş tutacaq yarışlar 13-18 iyun tarixlərində keçiriləcək və ümumilikdə 24 çəki dərəcəsində qaliblər müəyyənləşəcək. Yarışların ilk iki günündə yunan-Roma güləşçiləri mübarizə aparacaq. İyunun 15-16-da qadın güləşçilər, 17-18-də isə sərbəst güləşçilər yarışacaq.
Bütün xəbərlər Facebook səhifəmizdə
USD
EUR
GBP
RUB