"Neftçi" çempion olub

16 May 2015 12:26 | 735

"Neftçi" PFK-nın U-13 komandası Coca-Cola U-13 Liqasının qalibi olub. SİA-nın məlumatına görə, final mərhələsində TİM (Gəncə), "Vətən" və "Bakı" klublarını məğlub edən baş məşqçi Eldəniz Məmmədovun yetirmələri həlledici oyunda "Xəzər Lənkəran"a 3:1 hesabı ilə qalib gələrərk qızıl medallara layiq görülüblər. "Neftçi"nin qollarına Ziya Məmmədli, Nihat Fərəcli və Musa Qurbanlı imza atıblar.

Final oyunu başa çatdıqdan sonra mükafatlandırma mərasimi keçirilib. Mükafatları "Neftçi" PFK-nın Müşahidə Şurasının üzvü Mübariz Zeynalov, klubun idman direktoru Vəli Qasımov, AFFA-nın İcraiyyə Komitəsinin üzvü Vaqif Sadıqov, texniki direktor Bernhard Lippert, futbol veteranı Rüstəm Rəhimov və Coca-Cola şirkətinin nümayəndəsi Elşad Fərzəliyev təqdim ediblər. "Neftçi" PFK-nın üzvü Ziya Məmmədli Coca-Cola U-13 Liqasının ən yaxşı futbolçusu seçilib. Klubun digər futbolçusu Musa Qurbanlı isə 41 qolla liqanın bombardiri olub.