"3 nəfərlik basketbol oyunu həqiqətən yenilik sayıla bilər". Bu sözləri SİA-ya açıqlamasında Bakıda keçirilən "3X3 basketbol" üzrə beynəlxalq turnirin qalibi olan Serbiya komandasının oyunçusu Duşan Bulud deyib. O, Bakı 2015 I Avropa Oyunlarına vəsiqə qazanmaq üçün keçdikləri yoldan danışıb, 3X3 basketbol oyunlarının yenilik olmadığını vurğulayıb: "2010-cu ildə ilk dəfə olaraq rəsmən 3 nəfərlik basketbol oyununa başlanıldı. 2012- 2014-cü illərdə Serbiya artıq bu oyunda öz sözünü deyə bildi. Artıq gördüyünüz kimi, komandamız 2 dəfə dünya çempionu oldu. 2014-cü ildə dünya çempionu olduqdan sonra biz artıq Bakıda keçiriləcək I Avropa Oyunlarına vəsiqə qazandıq. Bakı 2015 Avropa Oyunlarının ilk oyunu olduğu üçün 3 nəfərlik basketbol oyununa yenilik demək olmaz. Çünki elə I Avropa Oyunları ilk dəfədir ki, keçirilir".
Duşan Bulud 3X3 basketbol oyunlarının I Avropa Oyunlarına maraq qatacağını ifadə edib: "Hesab edirəm ki, I Avropa Oyunları 3 nəfərlik basketbol oyununun inkişafına təkan verəcək. Bu oyun həm də Bakı 2015-də maraqla qarşılanacaq. Çünki cəld oyun olmaqla yanaşı, hərəkətlərin intensivliyi də tamaşaçılar üçün çox maraqlı olacaq. 3 nəfərlik basketbol oyunları haqqında onu da əlavə etmək istəyirəm ki, bu heyətdə oyunlar basketbolun ilk yarandığı tarixdə də mövcud olub, lakin daha sonralar hazırki formasını alıb".
Bütün xəbərlər Facebook səhifəmizdə
USD
EUR
GBP
RUB