"Xəzər Lənkəran"ın U-17 komandası həftəyə qol şousu ilə start verib. SİA-nın məlumatına görə, "Kəpəzi" qəbul edən komanda 8:0 hesablı qələbəyə sevinib. Maraqlıdır ki, heyətin əksəriyyətini U-16 komandasının üzvləri təşkil edib. Vurulan qolların 7-nin müəllifi də məhz 16 yaşlılar olub. Bu qarşılaşmada İbrahim Qədirzadə və Kənan Səfərov het-triklə yadda qalıblar, Kamal Dənziyev və Kənan Sadıqov isə hərəyə bir dəfə fərqləniblər. "Xəzər Lənkəran" TV oyunun icmalını təqdim edir:
Növbəti gün isə U-15 darmadağınla yadda qalıb. Namiq Qarayevin komandası AZAL-ı 6:0 hesabı ilə məğlub edib. Bu görüşdə Peyman Səfərzadə və Nurlan Fərəcli dubl edib, Elməddin Əsədullayev və Tural Bayramov isə bir dəfə fərqlənib.
"Xəzər Lənkəran"ın U-16 komandası isə doğma meydanda "Turan"la qarşılaşıb. Bu matç da cənub təmsilçisinin böyükhesablı qələbəsi ilə yekunlaşıb - 4:1. "Xəzər Lənkəran"ın heyətində Hikmət Nağıyev, Kənan Səfərov, Əli Qurbanov və millinin üzvü Yusif Həsənov fərqlənib.
"Xəzər Lənkəran" TV U-16 komandasının ötən tur "İnter"lə səfər qarşılaşmasında iki dəqiqədə məğlubiyyətdən qaçdığı oyunun süjetini təqdim edir. Bu oyunda qolları İbrahim Qədirzadə və Kənan Səfərov vurub.
Bütün xəbərlər Facebook səhifəmizdə
USD
EUR
GBP
RUB