"Neftçi" PFK Azərbaycan yığma komandasının üzvü, hücumçu Rauf Əliyevlə müqavilə bağlayıb. SİA-nın məlumatına görə, futbolçu növbəti il yarım müddətində "Neftçi"nin formasını geyinəcək. Rauf Əliyev "Neftçi"yə keçidi ilə bağlı fikirlərini bildirib: "Neftçi" Azərbaycan futbolunun ən köklü komandasıdır. İstənilən yerli futbolçu üçün "Neftçi"də oynamaq şərəfdir. Bu komanda hər zaman ən yüksək yerlər uğrunda mübarizə aparıb. Zəngin tarixi və böyük iddiası olan kluba gəldiyim üçün xoşbəxtəm. Bilirəm ki, üzərimə böyük məsuliyyət düşür. "Neftçi"nin heyətində özümü doğrultmaq və komandama faydalı olmaq istəyirəm. İnanıram ki, azarkeşlərin də sevgisi və dəstəyi sayəsində qolları sıralayacağam. Milli komandanın da üzvüyəm. Ona görə də çalışacağam ki, "Neftçi"də bacardığım qədər yaxşı çıxış edərək, yığmamıza da faydalı olum".
Bütün xəbərlər Facebook səhifəmizdə
USD
EUR
GBP
RUB