Kişilər və qadınlar arasında cüdo üzrə Azərbaycan çempionatına yekun vurulub. SİA-nın məlumatına görə, "Qəbələ" İdman Klubunun cüdoçuları bu yarışda növbəti uğurunu qazanıb. Klubun bəzi aparıcı idmançıları beynəlxalq turnirlərdə iştirak etdiyi üçün ölkə birinciliyinə qatılmasa da, "Qəbələ" təmsilçiləri yarışı 7 medalla başa vurub.
Kişilərin yarışında "Qəbələ"nin cüdoçuları 2 gümüş və 1 bürünc medal əldə ediblər. Rüfət Tağızadə (60 kq) və Vasif Şərbətli (90 kq) finaladək bütün rəqiblərinə qalib gəlib və yalnız həlledici qarşılaşmada tatamini məğlub tərk ediblər. Cəlil Şükürov isə (100 kq) fəxri kürsünün 3-cü pilləsinə yüksəlib.
Qadın idmançılar isə daha uğurlu çıxış edib. Onlardan 4-ü finaladək irəliləyib. Şəhanə Hüseynova (57 kq) həlledici görüşdə də qalib gələrək qızıl medala sahib çıxıb. Şəfəq Məmmədova (48 kq), Leyla Şahin (57 kq) və Dürsədəf Kərimova (70 kq) gümüş mükafatla kifayətləniblər.
Bütün xəbərlər Facebook səhifəmizdə
USD
EUR
GBP
RUB