Bu gün Azərbaycanın "Azəryol" voleybol klubu Avropanın ən böyük yarışı olan Çempionlar Liqasında ilk görüşündə Fransanın "Nantes VB" kollektivini 3:2 hesabı ilə məğlub edib. Bakıda, Voleybol Mərkəzində keçirilən qarşılaşmada ilk setdə 25:17 hesabı ilə qalib gələn "Azəryol" ikinci və üçüncü seti uduzmasına baxmayaraq, növbəti setdə qələbə qazanaraq hesabı bərabərləşdirib. "Azəryol" tay-brekdə rəqibini 20:18 hesabı ilə məğlub edərək oyunu qələbə ilə başa vurub (25:17, 18:25, 18:25, 25:16, 20:18).
Avropanın 20 ən güclü komandasından olan "Azəryol" qrup mərhələsində Fransanın "Nantes VB", Türkiyənin "Fenerbahce Grundig İstanbul", Rumıniyanın "Stiinta BACAU" klubları ilə mübarizə aparacaq. Qeyd edək ki, 2014-2015 mövsümündə "Azəryol" komandasının heyətində hər il olduğu kimi, voleybol üzrə qadınlardan ibarət millimizin ən güclü oyunçuları ilə yanaşı, Avropanın və dünyanın tanınmış idmançıları çıxış edəcəklər.
Bütün xəbərlər Facebook səhifəmizdə
USD
EUR
GBP
RUB