Olimpiya Güləş Mərkəzində güləş üzrə ölkə yığma komandalarının məşqçilər korpusu ilə görüş keçirilib. SİA-nın məlumatına görə, Azərbaycan Güləş Federasiyasının I vitse-prezidenti, Dünya Güləş Birliyi İdarə Heyətinin üzvü Namiq Əliyevin iştirak etdiyi görüşdə yığma komandaların məşqçilər korpusunda edilən dəyişikliklər də açıqlanıb.
Edilmiş dəyişikliklərdən sonra məşqçilər korpusunun yeni heyəti aşağıdakı kimidir:
|
Yunan-Roma güləşi |
Sərbəst güləş |
Qadınlar Böyüklər Baş məşqçi - Semyon Çterev Böyük məşqçi - Konstantin Konorev Məşqçi - Arif Fərmanov Gənclər Böyük məşqçi - Yaqub Məmmədov Məşqçi - Aslan Ağayev Yeniyetmələr Böyük məşqçi - Həsrət Məmmədyarov Məşqçi - İsaməddin Hüseynov |
N. Əliyev məşqçilər korpusunda edilən dəyişikliklərin yığma komandaların daha da gücləndirilməsinə xidmət edəcəyini bildirib: "Azərbaycan Güləş Federasiyasının prezidenti cənab Fazil Məmmədovun əmrinə əsasən, yığma komandaların məşqçilər korpusunda dəyişikliklər edildi. İnanırıq ki, dəyişiklik yığma komandaların daha da gücləndirilməsi və güləşçilərin qarşıdan gələn yarışlara daha yaxşı hazırlaşmalarına xidmət edəcək. Qarşıda bizi ciddi sınaqlar gözləyir. Çalışacağıq ki, 2015-ci ildə paytaxtımızda keçiriləcək ilk Avropa Oyunları, ardınca Las Veqasda Olimpiya Oyunlarına lisenziya xarakterli dünya çempionatı və nəhayət, 2016-cı il Braziliyada Yay Olimpiya Oyunları kimi mötəbər yarışlarda güləşçilərimiz maksimum sayda yüksək əyarlı medallar qazanmaqla yeni tarix yazsın və xalqımızı sevindirsinlər. Ölkə başçısı, Milli Olimpiya Komitəsinin prezidenti cənab İlham Əliyev güləşə və güləşçilərə xüsusi diqqət və qayğı göstərir. Federasiya tərəfindən də hər bir şərait yaradılıb. Etimadı doğrultmaq üçün var gücümüzlə çalışacağıq".
Bütün xəbərlər Facebook səhifəmizdə
USD
EUR
GBP
RUB