AİBA Pro Boxing turnirində mübarizə aparan boksçumuz Cavid Çələbiyevin (56 kq) son anda rəqibi dəyişib. Milli komandamızın üzvü noyabrın 1-də Argentinada Satoşi Şimizu ilə üz-üzə gəlməli idi. SİA-nın məlumatına görə, yaponiyalı boksçu yarışa çıxmaqdan imtina edib. Nəticədə, həmyerlimiz daha güclü rəqiblə - braziliyalı Robenilson Vieyra de Jesusla qarşılaşmalı olacaq. 27 yaşlı boksçu 2008-ci ildə Pekin və 2012-ci ildə London Olimpiadalarında çıxış edib. Pekində 51 kq çəki dərəcəsində mübarizə aparan Robenilson ilk görüşdə qalib gəlsə də, ikinci qarşılaşmada tacikistanlı Ənvər Yunusova uduzub. 2011-ci ildə Pan-Amerika oyunlarında bürünc medal qazanan Braziliya boksçusu 1 il sonra London Olimpiadasına da lisenziya qazanıb. Robenilson Londonda özbəkistanlı Orzubek Şaimov və rusiyalı Sergey Vodopyanovu məğlub edib. O, yalnız ¼ finalda kubalı Lazaro Alvaresə uduzub.
Bütün xəbərlər Facebook səhifəmizdə
USD
EUR
GBP
RUB