Hövsan Olimpiya İdman Kompleksində güləş üzrə gənclər arasında "Hünər meydanı" açıq Respublika seçim turniri start götürüb. SİA-nın məlumatına görə, yarışda 1995-1997-ci il təvəllüdlü güləşçilər mübarizə aparır.
Əvvəlcə turnirin təntənəli açılış mərasimi keçirilib. Açılış mərasimində gənclər və idman nazirinin müavini İsmayıl İsmayılov və Azərbaycan Güləş Federasiyasının baş katibi Əjdər Cəfərov çıxış edib. Onlar ölkəmizdə idmana və idmançılara göstərilən qayğıdan və buna müvafiq olaraq idmançıların nailiyyətlərindən bəhs ediblər. Bildirilib ki, müstəqilliyimizin bərpasından sonra ölkəmizdə idmanın inkişafına dövlət qayğısının dəfələrlə artırılması sayəsində güləşçilərimiz beynəlxalq yarışlarda daha yüksək nəticələr əldə edir.
Qeyd olunub ki, ölkə Prezidenti İlham Əliyevin güləşçilərimizə olan qayğısı, federasiya rəhbərliyi tərəfindən yaradılan şərait idmançılarımızı daha da stimullaşdırır.
Daha sonra Azərbaycan Respublikasının Dövlət Himni səsləndirilib və yarışların final mərhələsi başlayıb. Sərbəst güləş üzrə gənclərin mübarizəsində qalib və mükafatçılar aşağıdakılardır:
|
50 kq 1. İbrahim Cavadov - Rusiya 2. Əli Hüseynov - Zenit İC 3. Bəxtiyar Nuriyev - Abşeron, Neftçi İSM 3. Arif Hüseynov - Abşeron, Neftçi İSM |
55 kq 1. Mahir Əmiraslanov - Neftçi İSM 2. Ruslan Qasımov - Abşeron, Neftçi İSM 3. Əfqan Xaşalov - Zenit İC 3. Nihat Bağırzadə - Gəncə, Neftçi İSM |
|
|
60 kq 1. Cahid Həsənzadə - Abşeron, Neftçi İSM 2. Zəlimxan Vəliyev - Zenit İC 3. Amin Emeev - Rusiya 3. Mahal Novruzov - Neftçi İSM |
66 kq 1. Taqib Həsənov - Rusiya 2. Pənah İlyaslı - Qazax, Göyəzən 3. Musa Rüstəmzadə - Şəmkir 3. Ruslan Abdullayev - Gəncə, Neftçi İSM |
|
|
74 kq 1. Axra Dzergeniya - Atasport 2. Murad Süleymanov - Gəncə, Neftçi İSM 3. Sənan Əlizadə - Xəzri İK 3. David Baqayev - Rusiya |
84 kq 1. Məhəmmədrəsul Qazıməhəmmədov - Atasport 2. Hacımurad Məhəmmədsəidov - Atasport 3. Elçin Məmmədov - Şirvan, Neftçi İSM 3. Marat Xayev - Rusiya |
|
|
96 kq 1. Turxan Qurbanov - Zenit İC 2. Abdul Maqomedov - Rusiya 3. Çermen Baqayev - Atasport 3. Nizami Şəmilov - Azəri İK |
120 kq 1. Zaur Məmmədov - Zenit İC 2. Rüstəm Hacberov - Neftçi İSM 3. Camal Məmmədov - DİN İC 3. İsrail Bayramov - Zenit İC |
İlk üç yeri tutan idmançılar medal və diplomlarla, həmçinin pul mükafatı ilə təltif olunur. Qalib və mükafatçılar yığma komandaların heyətinə cəlb edilir və beynəlxalq yarışlarda ölkəmizi təmsil etmək hüququ qazanır.
Bütün xəbərlər Facebook səhifəmizdə
USD
EUR
GBP
RUB