FIFA futbol üzrə milli komandaların növbəti reytinq cədvəlini açıqlayıb
FIFA futbol üzrə milli komandaların növbəti reytinq cədvəlini açıqlayıb. Ötən ayla müqayisədə Azərbaycan milli komandası 31 pillə geriləyərək 233 xalla 126-cı pillədə qərarlaşıb.
"Avro-2016"dakı rəqiblərimizdən İtaliya millisi iki pillə irəliləyərək 11-ci yerə yüksəlib. Xorvatiya millisi 5 pillə irəliləyərək 14-cü olub. Norveç yığması 68-ci (+8), Bolqarıstan yığması 59-cu (-13) və Malta kollektivi isə 156-cı (-1) pillədə qərarlaşıb.
Reytinq cədvəlinə dünya çempionu Almaniya millisi başçılıq edir. Mundialın gümüş mükafatçısı Argentina yığması ikinci, Kolumbiya isə üçüncüdür.
Növbəti reytinq cədvəli noyabrın 27-də açıqlanacaq.
Bütün xəbərlər Facebook səhifəmizdə
USD
EUR
GBP
RUB