AVRO-2016-nın seçmə mərhələsi çərçivəsində növbəti oyunlar keçirilib. Son gündə 4 qrupda 9 matç baş tutub.
D qrupunda 3 gün əvvəl Polşaya uduzan Almaniya İrlandiyanı qəbul edib və oyun 1:1 hesabı ilə başa çatıb.
E qrupunda bir matç baş tutub. Yeganə oyunda İsveçrə San Marinonu darmadağın edib - 4:0.
F qrupunda Rumıniya səfərdə Finlandiyanı, Şimali İrlandiya Yunanıstanı eyni hesabla yenib - 2:0. Macarıstan isə Farer adalarını minimal hesabla üstələyib - 1:0.
I qrupunda Kriştiano Ronaldolu Portuqaliya səfərdə Danimarkanın müqavimətini qıra bilməyib - 0:0. Serbiya - Albaniya isə azarkeşlərin hərəkətlərinə görə 41-ci dəqiqədə yarımçıq dayandırılıb.
D qrupu
Almaniya - İrlandiya 1:1
Qollar: Toni Kroos, 71 - Con O`Şea, 90+4.
Polşa - Şotlandiya 2:2
Qollar: Kristof Maçinski, 12. Arkadiuş Milik, 76 - Şaun Maloney, 18. Stiven Naismit, 57.
Cəbəllütariq - Gürcüstan 0:3
Qollar: Nikolas Gelaşvili, 9. Tornike Okriaşvili, 19. Jaba Kankava, 69.
E qrupu
San Marino - İsveçrə 0:4
Qollar: Haris Seferoviç, 10; 24. Blerim Cemaili, 30. Herdan Şaqiri, 79.
F qrupu
Finlandiya - Rumıniya 0:2
Qollar: Boqdan Stanku, 54; 83.
Qırmızı vərəqə: Aleksander Rinq, 54 (Rumıniya).
Yunanıstan - Şimali İrlandiya 0:2
Qollar: Ceyms Vard, 9. Kile Lafferti, 51.
Farer adaları - Macarıstan 0:1
Qol: Adam Szalai, 21.
I qrupu
Danimarka - Portuqaliya 0:1
Qol: Kriştiano Ronaldo, 90+5.
Serbiya - Albaniya 0:0 (başa çatmayıb)
Bütün xəbərlər Facebook səhifəmizdə
USD
EUR
GBP
RUB