Ötən gün AVRO-2016-nın seçmə mərhələsində növbəti oyunlar keçirilib. Bu dəfə azarkeşlər D, F və İ qrupunun oyunlaşına şahidlik edib. İlk matçda Polşaya darmadağın olan (7:0) Cəbəllütariq İrlandiya ilə üz-üzə gəlib. Boğaz sakinləri ilk oyunda olğu kimi yenə eyni hesabla məğlub olub.
Şotlandiya Gürcüstanı qəbul edib. Görüşün taleyini bir qol həll edib. Qonaqların avtoqolu sayəsində meydan sahibləri 3 xal qazanıb.
Gecənin sensasiyası Polşa – Almaniya qarşılaşmasında baş verib. Belə ki, son dünya çempionları Varşavadan məğlub qayıdıblar.
Rumıniya Macarıstanla, Finlandiya Yunanıstanla, Ermənistan Serbiya ilə və Albaniya Danimarka ilə xalları yarı bölüb.
Qeyd edək ki, milli komandamız ötən gün İtaliyaya səfərdə 2:1 hesabı ilə uduzub. Yığmamız oktyabrın 13-də Xorvatiya ilə qarşılaşacaq.
AVRO-2016-nın seçmə mərhələsi:
D qrupu
İrlandiya – Cəbəllütariq - 7:0
Qollar: Kin, 6; 14; 18-pen, MkKlein, 46; 53, Peres, 52-avtoqol, Hoolahan, 56
Şotlandiya - Gürcüstan - 1:0
Qol: Xubutia, 28-avtoqol
Polşa – Almaniya - 2:0
Milik, 51, Mila, 88
F qrupu
Rumıniya – Macarıstan - 1:1
Qollar: Rusesku, 45 - Dzsudzsak, 82
Finlandiya - Yunanıstan - 1:1
Qollar: Hurme, 55 - Karelis, 24
Şimali İrlandiya – Farer adaları - 2:0
Qollar: MkAuley, 6, Lafferti, 22
İ qrupu
Ermənistan - Serbiya - 1:1
Qollar: Arzumanyan, 73 - Tosiç, 90
Albaniya – Danimarka - 1:1
Qollar: Lenyani, 38 - Vibe, 81
Bütün xəbərlər Facebook səhifəmizdə
USD
EUR
GBP
RUB