Kolumbiyanın İbaque şəhərində "CMMA" liqası üzrə qaydasız döyüş ustaları arasında peşəkar yarış keçirilib. Azərbaycanın Kolumbiyadakı səfirliyindən bildiriblər ki, yarışda ölkəmizi Cavid Adıgözəlov təmsil edib. Gərgin keçən qarşılaşmada C.Adıgözəlov yüksək ustalıq nümayiş etdirərək boğucu fəndlə rəqibini təslim olmağa məcbur edib və parlaq qələbə qazanaraq Azərbaycan bayrağını çoxsaylı azarkeşlər qarşısında dalğalandırıb. Həmyerlimizin parlaq çıxışı Kolumbiya azarkeşləri, eləcə də idman jurnalistləri tərəfindən təqdirlə qarşılanıb.
İndiyədək bir sıra beynəlxalq turnirlərin qalibi olmuş C.Adıgözəlov səfirliyin dəstəyi ilə Kolumbiyada qaydasız döyüş növlərinin sirlərinə yiyələnərək təcrübəsini artırır və Azərbaycanın idman şöhrətini Latın Amerikasında təbliğ edir.
Sumqayıt Olimpiya Kompleksində məşqçi kimi fəaliyyət göstərmiş C.Adıgözəlov kik-boks, döyüş sambosu və güləşin sirlərinə Azərbaycanda yiyələnib. O hazırda Latın Amerikasında geniş yayılmış cui-cutsu, eləcə də muaytay döyüş növlərini öyrənir.
Bütün xəbərlər Facebook səhifəmizdə
USD
EUR
GBP
RUB