Bakıda təşkil olunacaq şahmat üzrə FİDE Qran-Pri turnirinin bütün partiyaları rəsmi sayt - baku2014.fide.com vasitəsilə canlı yayımlanacaq. SİA-nın məlumatına görə, şahmat partiyaları Azərbaycan və ingilis dillərində tanınmış qrossmeysterlər və məşqçilər tərəfindən şərh olunacaq. Azərbaycan dilində partiyaları məşqçi, beynəlxalq usta Anar Allahverdiyev və yeniyetmələr üzrə millinin çalışdırıcısı, qrossmeyster Fərid Abbasov təqdim edəcək.
Azərbaycanı turnirdə 2 qrossmeyster - Şəhriyar Məmmədyarov və Teymur Rəcəbov təmsil edəcək. Eyni zamanda Bakıdakı Qran-Pridə Fabiano Karuana (İtaliya), Aleksandr Qrişuk (Rusiya), Hikaru Nakamura (ABŞ), Sergey Karyakin (Rusiya), Lenyer Dominqes (Kuba), Boris Gelfand (İsrail), Pyotr Svidler (Rusiya), Dmitri Andreykin (Rusiya), Rüstəm Qasımcanov (Özbəkistan) və Yevgeni Tomaşevski (Rusiya) iştirak edəcək.
Qeyd edək ki, qaydalara əsasən, turnirə 16 şahmatçı qatılacaq və hər zəka sahibi 3 mərhələdə qüvvəsini sınayacaq. Dörd ölkədə baş tutacaq 4 mərhələ oktyabrda başlayıb, gələn ilin mayında başa çatacaq.
Qran-Prinin açılış mərasimi oktyabrın 1-də yarışın keçiriləcəyi Şəhriyar adına Mədəniyyət Mərkəzində olacaq. İlk tur oktyabrın 2-də saat 15:00-də start götürəcək.
Bütün xəbərlər Facebook səhifəmizdə
USD
EUR
GBP
RUB