Avropa Liqasının "pley-off" mərhələsinin ilk oyunu çərçivəsində keçiriləcək "Qarabağ" (Azərbaycan) - "Tvente" (Hollandiya) matçının hakimləri müəyyənləşib. Klubun rəsmi saytının verdiyi məlumata görə, avqustun 21-də baş tutacaq qarşılaşmanın baş hakimi almaniyalı referi Manuel Qrafe olacaq.
Ona Holger Henşel və Kristian Gittelman köməklik edəcəklər. Quido Vinkmann isə dördüncü hakim funksiyasını yerinə yetirəcək.
UEFA nümayəndəsi gürcüstanlı Dmitri Bokeriya, hakim-inspektor isə danimarkalı Jorn Vest Larsendir.
Qeyd edək ki, Tofiq Bəhramov adına Respublika stadionunda keçiriləcək "Qarabağ" - "Tvente" oyunu saat 21:00-da başlayacaq.
Bütün xəbərlər Facebook səhifəmizdə
USD
EUR
GBP
RUB