Bu gecə DÇ-2014-ün digər finalçısının adı məlum olub. Yarımfinal matçında Argentina və Hollandiya milliləri üz-üzə gəlib. Görüşün əsas və əlavə vaxtında qapılara qol vurulmayıb. Pemaltilər seriyasında daha dəqiq olan (4:2) Argentina millisi finala yüksəlib.
Beləliklə, finalda Almaniya və Argentina milliləri qarşılaşacaq. Görüş iyulun 13-də keçiriləcək. Qeyd edək ki, bu komandalar 1990-cı ildə keçirilən mundialın finalında da üz-üzə gəliblər və almanlar 1:0 hesablı qələbə ilə dünya çempionu adını qazanıb.
Hollandiya və Braziliya yığmaları isə iyulun 12-də üçüncü yer uğrunda üz-üzə gələcək.
"DÇ-2014", yarımfinal mərhələsi
01:00. Hollandiya - Argentina - 0:0 (Penaltilər seriyası - 4:2)
Baş hakim: Cüneyt Çakır (Türkiyə)
Komandalar oyuna aşağıdakı tərkibdə çıxıb:
Hollandiya: Sillessen, Kuyt, Blind, Vlar, De Vrey, Martins İndi, De Yonq, Veynaldum, Sneyder, Robben, Van Persi (kapitan)
Argentina: Romero, Zabaleta, Demikelis, Qaray, Roxo, Perses, Bilya, Maskerano, Lavessi, Messi (kapitan), İquain
PENALTİLƏR SERİYASI:
Hollandiya: - + - +
Argentina: + + + +
Dəqiq vurulan penaltilər: Messi, Qaray, Aquera, Rodrigez (hər biri Argentina), Robben, Kuyt (hər ikisi Hollandiya)
Dəqiq vurulmayan penaltilər: Vlar, Sneyder (hər ikisi Hollandiya)
DÇ-2014-ün yarımfinal mərhələsində keçirilən Hollandiya - Argentina matçının ən yaxşısı bəlli olub. FİFA-nın rəsmi saytına istinadən yayılan xəbərə görə, Argentina yığmasının qapıçısı Romero oynun ən yaxşısı seçilib. Təcrübəli qapıçı penaltilər seriyası zamanı rəqibin iki zərbəsini dəf edib və komandasını finala yüksəldib.
8 iyul
01:00. Braziliya - Almaniya - 1:7
Qollar: Müller, 11 (0:1), Kloze,23 (0:2), Kros, 24 (0:3), 26 (0:4), Xedira, 29 (0:5), Şürle, 69 (0:6), 78 (0:7), Oskar, 90 (1:7)
Baş hakim: Marko Rodriqes (Meksika)
"Estadio Mineyrao". Belo Horizonte
Bütün xəbərlər Facebook səhifəmizdə
USD
EUR
GBP
RUB