Türkiyənin İzmir şəhərində güləş üzrə gənclər arasında 17-ci "Çempionlar" beynəlxalq turniri keçirilir. SİA-nın məlumatına görə, turnirdə gənc qızlar və yunan-Roma güləşi üzrə yığma komandanın üzvləri iştirak edir.
Turnirin ilk günündə mübarizəyə qoşulan güləşçilərimiz uğurlu çıxış ediblər. İdmançılarımız gənc qızların yarışında 1 qızıl və 1 bürünc medala sahib olublar. Qızıl medalı yığmamıza Raqnetta Qurbanzadə (67 kq), bürünc medalı isə Solmaz Həşimzadə (55 kq) qazandırıb.
Yunan-Roma güləşçilərinin mübarizəsində də yığmamız günü 1 qızıl və 1 bürünc medalla başa vurub. 66 kq çəkidə mübarizə aparan Ruhin Mikayılov bütün rəqiblərindən üstün olub və qızıl medal qazanıb. 55 kq-da təmsilçimiz Ramiz Məmmədov isə bürünc medalla kifayətlənib.
Turnirə bu gün yekun vurulacaq.
Bütün xəbərlər Facebook səhifəmizdə
USD
EUR
GBP
RUB