Qadın voleybol komandaları arasında Azərbaycan Super Liqası yarışlarının finalçıları müəyyənləşib. Siasport.az saytının məlumatına görə, Azərbaycan Voleybol Mərkəzində yarımfinal mərhələsinin cavab oyunları keçirilib. Əvvəlcə meydana "İqtisadçı" və "Azəryol" komandaları çıxıblar. Rəqibini 3:1 hesabı ilə məğlub edən "Azəryol" kollektivi finala yüksəlib. Komandalar arasında keçirilmiş ilk oyun da "Azəryol"un xeyrinə yekunlaşmışdı - 3:1.
Digər oyunda isə "Rabitə" və "Azərreyl" komandaları qarşılaşıblar. İlk matçda rəqibini məğlub edən "Rabitə" (3:1) ikinci görüşündə də meydandan üatün ayrılıb - 3:0.
Beləliklə, "Azəryol" və "Rabitə" komandaları qızıl, "İqtisadçı" və "Azərreyl" kollektivləri isə bürünc medal uğrunda yarışacaqlar.
Bütün xəbərlər Facebook səhifəmizdə
USD
EUR
GBP
RUB