Yeniyetmələrdən ibarət yığma komandanın heyətində ənənəvi "Belgian Open" turnirində iştirak edən "Qəbələ" İdman Klubunun taekvondoçuları uğurlu çıxışla yadda qalıblar. Siasport.az saytının məlumatına görə, Belçikanın Lommel şəhərində baş tutan yarışda təmsilçilərimiz 3 medal qazanıblar. Orxan Tağızadə (+65 kq) və Diana Hacıəliyeva (41 kq) rəqiblərinə heç bir şans verməyərək fəxri kürsünün ən yüksək pilləsinə qalxıblar. Qasım Aslanov (53 kq) turniri bürünc medalla yekunlaşdırıb.
Xatırladaq ki, "Qəbələ" turnirdə 4 idmançı ilə təmsil olunub.
Bütün xəbərlər Facebook səhifəmizdə
USD
EUR
GBP
RUB