Finlandiyanın Vantaa şəhərində böyüklər arasında güləş üzrə Avropa çempionatı başa çatıb. Siasport.az saytının məlumatına görə, çempionatın sonuncu günündə 71, 75, 80 və 85 kq çəki dərəcəsində yunan-Roma güləşçiləri mübarizəyə qoşulub. Güləşçilərimiz çempionatın son günündə 1 gümüş və 1 bürünc medal qazanıb.
71 kq-da çempionluğa iddialı olan Rəsul Çunayev 1/8 finalda Sergey Mironovu (Latviya) 8:0, 1/4 finalda türkiyəli Yunus Özeli 9:1 hesabı ilə üstələyib. Yarımfinaldakı rəqib Ukrayna təmsilçisi Armen Vardanyan olub. Ona rahatlıqla qalib gələn (9:0) Rəsul Çunayev adını finala yazdırıb. Finalda güləşçimiz macar Tamas Lorinczə uduzub və gümüş medalla kifayətlənib.
75 kq çəki dərəcəsində mübarizə aparan Elvin Mürsəliyev 1/8 finalda Aleksandr Çekirkinə (Rusiya) uduzub. Ancaq rəqib finala yüksəldiyindən güləşçimiz təsəlliverici görüşlərə qatılmaq şansı əldə edib. Elvin ilk olaraq Polşa təmsilçisi Mateus Lukas Volni ilə qarşılaşıb. Gərgin keçən qarşılaşma güləşçimizin 3:2 hesablı üstünlüyü ilə başa çatıb. Həlledici görüşdə Elvin Mürsəliyev macar güləşçi Laszlo Szabonu 0:8 üstələyib və bürünc medala sahib olub.
Rafiq Hüseynov (80 kq) 1/8 finalda Ukrayna təmsilçisi Aleksandr Şişmanla qarşılaşıb və 2:8 hesabı ilə uduzub. A.Şişman növbəti mərhələdə uduzduğundan Rafiqin təsəlliverici görüşlərə qatılması da mümkün olmayıb.
Saman Təhmasibi (85 kq) də 1/8 finalda litvalı Laymutis Adomaytisə məğlub olub - 3:8. Rəqib növbəti görüşünü uduzduğundan S.Təhmasibi də mübarizəni dayandırıb.
71 kq
1/8 final - Rəsul Çunayev - Sergey Mironovs (LAT) 8-0
1/4 final - Rəsul Çunayev - Yunus Özel (TUR) 9-1
1/2 final - Armen Vardanyan (UKR) - Rəsul Çunayev 0-9
FİNAL - Rəsul Çunayev - Tamas Lorincz (HUN) 0-2
75 kq
1/8 final - Aleksandr Çekirkin (RUS) - Elvin Mürsəliyev 9-1
Təsəlliverici görüş - Elvin Mürsəliyev - Mateus Lukas Volni (POL) 3-2
Bürünc medal görüşü - Laszlo Szabo (HUN) - Elvin Mürsəliyev 0-8
80 kq
1/8 final - Rafiq Hüseynov - Oleksandr Şişman (UKR) 2-8
85 kq
1/8 final - Saman Təhmasibi - Laymutis Adomaytis (LTU) 3-8
Bütün xəbərlər Facebook səhifəmizdə
USD
EUR
GBP
RUB