Finlandiyanın Vantaa şəhərində böyüklər arasında güləş üzrə Avropa çempionatı davam edir. Siasport.az saytının məlumatına görə, çempionatın ikinci günündə 57 və 61 kq çəki dərəcələrində sərbəst, 53 və 60 kq çəki dərəcələrində qadın güləşçilər mübarizə aparıb. Güləşçilərimiz 1 qızıl medal qazanıb.
57 kq-da Qalib Əliyev 1/4 finalda Gennadi Tulbea (Monako) ilə qarşılaşıb. Güləşçimiz 6:5 hesabıyla öndə olsa da, rəqibin əks fəndi ilə məğlub olub. Təsəlliverici görüşə qatılmaq imkanını da əldən verən güləşçimiz çempionatı medalsız tamamlayıb.
61 kq-da Hacı Əliyev inamlı təsir bağışlayıb. 1/8 finalda Aleksandr Semisorovu (Almaniya) 14:4, 1/4 finalda isə gürcüstanlı Beka Lomtadzeni 12:6 hesabıyla üstələyib. Yarımfinalda Ukrayna güləşçisi Vasil Şuptar ilə gərgin keçən qarşılaşmanı da 9:7 hesabı ilə öz xeyrinə başa vuran H.Əliyev finala vəsiqə qazanıb. Finalda onun rəqibili Rusiya təmsilçisi Bekxan Qoyqereyev olub. 12:5 hesabı ilə rəqibini üstələyən güləşçimiz Avropa çempionu adına layiq görülüb.
Qadın güləşçilərimizdən Patimat Baqomedova (53 kq) 1/8 finalda Laura Mertensə (Almaniya) 7:2 hesabıyla qalib gəlib. Ancaq 1/4 finalda güləşçimiz Yunanıstandan olan Mariya Prevolarakiyə uduzub. Rəqib finala qədər irəlilədiyindən Patimat təsəlliverici görüşə qatılıb və İtaliya güləşçisi Françeska Morini tam üstünlüklə (10:0) məğlub edib. Həlledici görüşdə onun rəqibi Rumıniyadan Anna Paval olub. Hesab bərabər olsa da təmsilçimiz xəbərdarlıq aldığına görə görüşü məğlub başa vurub.
60 kq-da yarışan Yuliya Ratkeviç 1/8 finalda Macarıstan təmsilçisi Ramano Qalamboşu 6:2 hesabı ilə üstələyib. Lakin 1/4 finalda təmsilçimiz Mustafa Yuseynə (Bolqarıstan) məğlub olub (4:8) və mübarizəni dayandırıb.
57 kq
1/4 final - Qalib Əliyev - Gennadi Tulbea (MON)
Təsəlliverici görüş - Qarik Barseqyan (ARM) - Qalib Əliyev 4-1
61 kq
1/8 final - Hacı Əliyev - Aleksandr Semisorov (GER) 14-4
1/4 final - Beka Lomtadze (GEO) - Hacı Əliyev 6-12
1/2 final - Vasil Şuptar (UKR) - Hacı Əliyev 7-9
FİNAL - Bekxan Qoyqereyev (RUS) - Hacı Əliyev 5-12
53 kq
1/8 final - Patimat Baqomedova - Laura Mertens (GER) 7-2
1/4 final - Patimat Baqomedova - Mariya Prevolaraki (GRE) 0-4
Təsəlliverici görüş - Françeska Mori (İTA) - Patimat Baqomedova 0-10
Bürünc medal görüşü - Patimat Baqomedova - Anna Paval (ROU) 1-1*
60 kq
1/8 final - Ramano Qalamboş (HUN) - Yuliya Ratkeviç 1-6
1/4 final - Taybe Yusein (BUL) - Yuliya Ratkeviç 8-4
Bütün xəbərlər Facebook səhifəmizdə
USD
EUR
GBP
RUB