Rusiyanın Xantı-Mansiysk şəhərində şahmat üzrə iddiaçılar turnirinin ilk turu başa çatıb. Siasport.az saytının məlumatına görə, Azərbaycan təmsilçisi Şəhriyar Məmmədyarov ilk turda ağ fiqurlarla bolqarıstanlı Veselin Topalovu sınağa çəkib. 36-cı gedişdən sonra tərəflər heç-heçəyə razılaşıblar - 0,5:0,5.
Rusiya şahmatçıları Dmitri Andreykin – Vladimir Kramnik və Sergey Karyakin – Peter Svidler matçlarında da eyni hesab qeydə alınıb. Keçmiş dünya çempionu Vişvanatan Anand (Hindistan) isə Levon Aronyanı (Ermənistan) məğlub edib - 1:0.
Növbəti turun görüşləri martın 14-də keçiriləcək.
Ümumilikdə, 8 şahmatçının mübarizə apardığı iddiaçılar turniri 2 dövrədən və 14 turdan ibarətdir.
Qeyd edək ki, turnirə martın 30-da yekun vurulacaq.
Bütün xəbərlər Facebook səhifəmizdə
USD
EUR
GBP
RUB