16 yaşadək futbolçulardan ibarət Azərbaycan yığması ilə "Atletiko" (Madrid) klubunun U-16 komandası arasında keçirilmiş yoldaşlıq oyunu ilə bağlı yığmamızın baş məşqçisi Təbriz Həsənov fikirlərini bildirib. Siasport.az saytının məlumatına görə, o, komandadan razı qalmadığını qeyd edib: "Bu toplanışda ikinci oyunumuzu keçirdik. İlk oyunda yaşca özümüzdən böyüklərlə qarşılaşdıq. Uduzmağımıza baxmayaraq, pis oynamadıq, sona qədər mübarizə apardıq. Həmyaşıdlarımıza qarşı keçirdiyimiz bu oyunda isə fərqli tapşırıqlar vermişdim. 1:1 hesablı heç-heçəyə baxmayaraq, komandadan tam razı qalmadım. Amma bu da təbiidir. Çünki bu komanda ilə beynəlxalq səviyyəli ilk oyunumuzu keçirirdik. Belə oyunların sayı çox olsa, uşaqlar sürətli oyuna tez alışacaqlar".
Bütün xəbərlər Facebook səhifəmizdə
USD
EUR
GBP
RUB