"Məşq prosesimiz maraqlı və zövqlü keçir. Mövsümün ikinci hissəsinə səylə hazırlaşırıq. Komandamıza yeni futbolçular da qatılıb. İnanıram ki, onlar da heyətimizə tam adaptasiya olaraq hədəflərimizə çatmaqda yardımlarını əsirgəməyəcəklər. Qarşıda hələ 5 sınaq oyunumuz var. Bu matçlar hazırlığımızın istədiyimiz səviyyəyə çatmasında önəmli rol oynayacaq". Siasport.az saytının məlumatına görə, bu fikirləri "Qəbələ"nin hücümçusu Daniel Subotiç Antalya düşərgəsi və komandanın hazırlıqları barədə fikirlərini açıqlayarkən deyib. O, mövsümün ilk yarısında "qırmızı-qaralar"ın yaxşı çıxış etdiyini və ikinci hissənin uğurlu keçəcəyinə inandığını bildirib. D.Subotiç heyətdəki futbolçuların yüksək nəticlər qazanmağa qadir olduqlarını vurğulayıb: "İstər oyun, istərsə də nəticə baxımından mövsümün ilk yarısını müsbət qiymətləndiririəm. Bizim üçün mövsümü ən azından ilk üçlükdə tamamlamaq vacibdir. Üç yerdən hansında olacağımızı isə vaxt göstərəcək. Fərdi baxımdan futbolçularımız Azərbaycanda ən yaxşılardandır. Belə futbolçularla istənilən nəticəni qazanmaq olar. Komanda oyunumuzu nizamlamaqla stabil, yaxşı çıxışımızı təmin edə bilərik".
Bütün xəbərlər Facebook səhifəmizdə
USD
EUR
GBP
RUB