"3x3 Qızlar turniri" təşkil olunub FOTOSESSİYA

Ölkəmizdə qadın futbolunun inkişafı, qızlar arasında bu idman növünün təbliğatının gücləndirilməsi və kütləviliyin artırılması məqsədilə AFFA ilə UNICEF Azerbaijan-ın birgə yeni layihəsi həyata keçirilib. Siasport.az saytının məlumatına görə, Bayıl stadionunda qızlar arasında 3 yaş qrupu üzrə "3x3 Qızlar turniri" təşkil olunub. Turnirin qaydalarına görə, hər komandanın iştirak ərizəsində 5 nəfərin adı qeyd olunub. Oyun zamanı hər komandanın heyətində meydana 3 nəfər çıxıb. Onlardan biri indiyədək hər hansı komandanın heyətində çıxış etməyən, adı AFFA-nın Qeydiyyat bazasında olmayan oyunçu olub.

3 kateqoriya üzrə keçirilmiş turnirdə 50 komanda iştirak edib. Komandaların heyətində meydana 240 qız çıxıb ki, onlardan 61 nəfəri futbola yeni başlayan, adı AFFA-nın Qeydiyyat bazasında olmayan oyunçular olub.

Kateqoriyalar üzrə qalibləri diqqətinizə çatdırırıq:

Elit kateqoriya (01.01.1997-ci ilədək anadan olanlar):

1. "Qarabağ"; 2. "Əhmədli Yunayted"; 3. "Xəzər"

Senior kateqoriya (01.01.1997-ci ildən 01.01.2001-ci ilədək anadan olanlar):

1. UGİM-9; 2. "Fərəh"; 3. "Baku Star"

Junior kateqoriya (01.01.2001-ci ildən sonra anadan olanlar):

1. "Mingəçevir-3; 2. "Şəki"; 3. "Mingəçevir-2"

Turnir çərçivəsində iştirakçılar arasında penalti zərbələri üzrə yarış keçirilib. Qalibləri diqqətinizə çatdırırıq:

Nərmin Əjdərli - "Xəzər", 1993-cü il təvəllüdlü

Könül Allahquliyeva - "Vətən", 2001-ci il təvəllüdlü

Ülviyyə Həşimli - "Qax", 1997-ci il təvəllüdlü

Bütün xəbərlər Facebook səhifəmizdə

loading...