Qadın həndbolçulardan ibarət Bakının ABU komandası Çellenc Kuboku turnirinin üçüncü mərhələsində ilk matçına çıxıb. Siasport.az saytının məlumatına görə, Bakı təmsilçisi Yunanıstanın "QAS Meqas Aleksandros" komandası ilə qarşılaşıb.
"ABU-Arena"da təşkil olunan oyunda qonaqlar nominal ev sahibləri sayılsalar da, qarşılıqlı razılaşmaya əsasən hər 2 matç paytaxtımızda olacaq.
Hollandiyalı baş hakim Ruud Geraetsin idarə etdiyi oyun ABU-nun 32:21 hesablı qələbəsi ilə yekunlaşıb. Komandamızın heyətində ən çox xalı İnarə Yusubova toplayıb.
Komandalar arasında cavab oyunu bu gün "Abu-Arena"da keçiriləcək.
Bütün xəbərlər Facebook səhifəmizdə
USD
EUR
GBP
RUB