Topaz Premyer Liqasının 2013/14 mövsümündə ilk avtoqol qeydə alınıb. Siasport.az saytının məlumatına görə, "Sumqayıt"ın rusiyalı legioneri Adil İbrahimov IX turun "İnter"lə oyununda topu öz qapısından keçirib. Mövsümün ilk 8 turunda belə hal qeydə alınmamışdı.
I dövrənin son turunda gerçəkləşən avtoqol Sumqayıt təmsilçisi üçün 3-cü belə haldır. 3 mövsümdür Premyer Liqada çıxış edən "gənclik şəhəri" təmsilçisi hər dəfə 1 oyunda buna üzülür. "İnter" isə çempionatlar tarixində 12-ci dəfə rəqib qoluna sevinir.
Qeyd edək ki, ümumilikdə Azərbaycan çempionatları tarixində 118-ci dəfədir ki, futbolçu öz qapısına qol vurub.
Bütün xəbərlər Facebook səhifəmizdə
USD
EUR
GBP
RUB