Topaz Premyer Liqasının IX turunda doğma meydanda "Neftçi"ni qəbul edəcək "Qəbələ" matçın hazırlıqlarını davam etdirir. Siasport.az saytının məlumatına görə, dünən baş məşqçi Yuri Syominin rəhbərliyi altında baş tutan məşq prosesində futbolçular müxtəlif toplu və topsuz çalışmalar yerinə yetiriblər. Hazırlıq prosesinə ikitərəfli oyunla yekun vurulub. Məşqdə hazırda bərpa prosesi keçən Rail Məlikov və yüngül zədəsi olan Omar Kalabane iştirak etməyib.
Xatırladaq ki, "Qəbələ" - "Neftçi" oyunu oktyabrın 4-ü, saat 16:00-da start götürəcək. Matç "İdman Azərbaycan" telekanalı vasitəsilə canlı yayımlanacaq.
Bütün xəbərlər Facebook səhifəmizdə
USD
EUR
GBP
RUB