Ukraynanın paytaxtı Kiyevdə keçirilən yeniyetmələr arasında boks üzrə dünya birinciliyində Azərbaycan milli komandasının daha 4 üzvü rinqə çıxıb. Siasport.az saytının məlumatına görə, onlardan üçü öz döyüşlərini qələbə ilə başa vurublar.
60 kq çəki dərəcəsində mübarizə aparan Şamil İbrahimzadə danimarkalı Obaida İraqui üzərində qələbə qazanıb - 3:0 (29:27, 29:28, 29:28). Boksçumuz 1/8 finalda Moldova təmsilçisi Vladislav Tuqui ilə qarşılaşacaq.
Qüdrət Quliyev də (52 kq) dünya birinciliyində 1/8 finala vəsiqə qazanıb. Milli komandamızın üzvü Puerto Riko idmançısı Edvin Qonzalesi mübarizədən kənarlaşdırıb. Üç hakimdən ikisi həmyerlimizin qələbəsini qeydə alıb - 29:28, 28:29, 30:27.Q.Quliyevin növbəti mərhələdəki rəqibi rumıniyalı Marian Ruta olacaq.
İsmayıl Hüseynov da (63 kq) dünya birinciliyinə qələbə ilə başlayıb. Boksçumuz Gürcüstan nümayəndəsi Taras Kandelakini məğlub edib - 30:25, 30:27, 30:27. Azərbaycan boksçusunun 1/8 finaldakı rəqibi belaruslu Mixail Basiakov olub.
Rüfət Hüseynov isə (46 kq) dünya birinciliyindəki ikinci döyüşdə məğlubiyyətlə üzləşib. O, Ukrayna təmsilçisi Daniel Lapinə məğlub olub.
Bütün xəbərlər Facebook səhifəmizdə
USD
EUR
GBP
RUB