Pekin Olimpiya Oyunlarının çempionu Elnur Məmmədli (81 kq) bu il avqustun sonunda Rio-de-Janeyroda keçiriləcək dünya çempionatında iştirak etməyəcək. Siasport.az saytı xəbər verir ki, Azərbaycan cüdoçusu həmin yarışlara əzmlə hazırlaşsa da, bu yaxınlarda keçirilmiş təlim-məşq toplantılarında ayağı zədələnib. İdmançı yarışlara qədər ayağını bərpa edə bilməyəcək. Bu səbəbdən də mövsümün əsas turnirində iştirak etməyəcək. Xatırladaq ki, Azərbaycan komandası iyulun 24-31-də Soçidə keçiriləcək təlim-məşq toplantılarında iştirak edəcək. Moskvada keçirilən "Böyük dəbilqə" turnirindən sonra Azərbaycan yığması Rusiya paytaxtında qalaraq, məşqlərdə iştirak edib, sonra isə Soçiyə yola düşüb.
Bütün xəbərlər Facebook səhifəmizdə
USD
EUR
GBP
RUB