UEFA Çempionlar Liqasının 2012/13-cü il mövsümünün qalibi məlum oldu. SİA-nın məlumatına görə, həlledici görüşdə iki alman klubu - "Borussiya" Dortmund və "Bavariya" Londonun "Uembli" stadionunda üz-üzə gəliblər. Gərgin mübarizə şəraitində keçən oyunda Bavariya qalib olub. Bavariya 2:1 hesabı ilə "Borussiya" Dortmundu yenərək UEFA Çempionlar Liqasının 2012/13-cü il mövsümünün çempionu adını qazanıb. Qeyd edək ki, "Bavariya" son Almaniya çempionudursa, "Borussiya" bundan əvvəl ardıcıl iki dəfə Bundesliqanın qalibi olub. "Borussiya" tarixidə bir dəfə - 1997-ci ildə ÇL-nı qazanıb. "Bavariya" isə bu uğura dörd dəfə imza atıb. Münhen təmsilçisi sonuncu dəfə 2001-ci ildə Avropanın ən güclüsü olub. Keçən mövsüm isə finalda "Çelsi"yə uduzub.
Bütün xəbərlər Facebook səhifəmizdə
USD
EUR
GBP
RUB