Baş məşqçi postuna Joze Mourinyonu gətirəcək İngiltərənin "Çelsi" klubu hücum xəttini Türkiyədən alınacaq futbolçuyla gücləndirmək istəyir. Siasport xəbər verir ki, bu barədə məlumatı "The Guardian" qəzeti yayıb.
Məlumatda bildirilir ki, ingilislərin hədəfindəki futbolçu Burak Yılmazdır. Artıq "zadəganlar"ın "Qalatasaray"a sorğu göndərərək Burakın satılıb-satılmadığını öyrənmək istədiyi iddia olunur. Qəzetin məlumatına görə, Burak hələ Çempionlar Liqasında olarkən Mourinyonun diqqət mərkəzində olub. İngilis həmkarlarımızın iddiasına görə, "Çelsi" bu futbolçuya görə 20 milyon fuint-sterlinqindən keçməyə hazırdır. Ancaq onun indiyədək Türkiyədən kənarda olmaması səbəbilə bu rəqəmin çox olduğu deyilir.
Qeyd edək ki, Burak Yılmazın "Qalatasaray"la hələ 4 illik müqaviləsi var.
Bütün xəbərlər Facebook səhifəmizdə
USD
EUR
GBP
RUB