Futbolun kütləviliyi naminə daim fərqli tədbirlər həyata keçirən "Qarabağ" Futbol Klubu daha bir möhtəşəm layihə həyata keçirib. Siasport idman portalının məlumatına görə, ölkənin ən böyük alış-veriş mərkəzlərindən sayılan "Park Bulvar"da "Qarabağ" klubu tərəfindən promo-aksiya baş tutub. Alış-veriş mərkəzində quraşdırılmış Ağdam təmsilçisinə məxsus stenddə Premyer Liqada baş tutacaq "Qarabağ" - "Neftçi" matçı ilə bağlı təbliğat aparılması ilə yanaşı vətəndaşlara "Qarabağ" klubunun aksesuarlarını qazanma şansı yaradılıb. Belə ki, Ağdam təmsilçisi ilə bağlı bir suala cavab verən şəxs "Qarabağ" - "Neftçi" oyununa bilet əldə etməklə bərabər "Qarabağ" klubunun şərfi, forması, şapkası və s. qazanma şansını saxlayır. "Qarabağ" FK-na aid fərqli suallara cavab verən şəxslər qeyd etdiyimiz məhsullarından birini əldə etmiş olur.
AVM- də böyük diqqət cəlb edən layihədə "Qarabağ" klubunun vitse-prezidenti Tahir Gözəl də iştirak edib. Hətta 1 suala cavab verərək simvolik olaraq "Qarabağ" - "Neftçi" görüşünə bilet də əldə edib.
Qeyd edək ki, layihə bu gün də davam edəcək.
Bütün xəbərlər Facebook səhifəmizdə
USD
EUR
GBP
RUB