Bu gün "Nar Mobile" şirkətinin dəstəyi ilə media və YAP rayon təşkilatları arasında voleybol üzrə növbəti turun oyunu keçirilib. Siasport idman portalının məlumatına görə, günün ilk oyunu "İki Sahil - YAP Xəzər rayon təşkilatı arasında baş tutub. Gərgin mübarizə şəraitində keçən qarşılaşmanın ilk setində üstünlük media nümayəndələrinin tərəfində olub. Birici set 25:20 hesabı ilə başa çatıb. İkinci setdə YAP Xəzər rayon təşkilatı komandası qələbə əldə etmək üçün əzmkar oyun nümayiş etdirib. Buna baxmayaraq qarşılaşmanın qalibi "İki sahil" qəzeti olub 25:22. Oyun 2:0 hesabı ilə başa çatıb.
Günün ikinci qarşılaşması SİA – YAP Sabunçu rayon təşkilatı oyunu isə baş tutmayıb. YAP Sabunçu rayon təşkilatı komandası qarşılaşmaya gəlmədiyinə görə, aktivinə texniki məğlubiyyət yazılıb.
Son qarşılaşma isə "Yeni Azərbaycan" qəzeti – YAP Yasamal rayon təşkilatı arasında keçirilib. Maraqlı oyun şəraitində keçən qarşılaşmanın ilk hissəsinin qalibi YAP Yasamal rayon təşkilatı olub 11:25. İkinci hissədə də jurnalistlər oyunda dönüş yarada bilməyiblər. Bu setin də qalibi YAP Yasamal rayon təşkilatı komandası olub. Sonuncu hissə də ilk setdə olduğu kimi 11:25 hesabı ilə başa çatıb. Hər iki setin nəticəsinə əsasən qalib tərəf YAP Yasamal rayon təşkilatı olub 0:2.
Media və YAP rayon təşkilatı arasında keçirilən voleybol turnirinin 1/4 final mərhələsinin ilk oyunlarını diqqətinizə çatdırırıq:
29 aprel
17:30 SİA – YAP Xətai rayon təşkilatı
18:00 AzərTac – YAP Nizami rayon təşkilatı
Bütün xəbərlər Facebook səhifəmizdə
USD
EUR
GBP
RUB