Yarımfinalın ilk oyununda qolsuz sülh

25 Aprel 2013 11:41 | 660

U-19 Liqasınln ilkin mərhələsini uğurla adlayan və yarımfinala vəsiqə qazanan "Qəbələ"nin 19 yaşa qədər futbolçulardan ibarət komandası finala çıxmaq uğrunda mübarizədə "Bakı" ilə üz-üzə gəlib. Siasport idman portalının məlumatına görə, paytaxtda baş tutan ilk oyun "qırmızı-qaralar"ın tam üstünlüyü ilə keçib. Matç boyunca "Qəbələ" Fərid Hacıyev, Ehtiram Şahverdiyev və Sadiq Quliyevin simasında bir neçə fərqlənmək imkanı yaxalasa da, qarşılaşmada hesab açılmayıb.

Qeyd edək ki, cavab oyunu mayın 1-də Qəbələdə baş tutacaq.

Xatırladaq ki, bu mövsüm ilki keçirilən U-19 Liqası 7 komandanın iştirakı ilə reallaşıb. Meydançaya çıxdığı 6 oyunun 4-də qalib gələn "qırmızı-qaralar" 1 oyunu heç-heçə, 1 görüşü isə məğlubiyyət ilə yekunlaşdırıb. Nəticədə turnir cədvəlinin II pilləsində qərarlaşıb və yarımfinala vəsiqə qazanıb.

Yer	Komanda	O	Q	H	M	T/F	Xal
1	Neftçi PFK	6	5	0	1	25-7	15
2	Qəbələ FK	6	4	1	1	20-13	13
3	Bakı FK	6	3	1	2	15-12	10
4	Qarabağ FK	6	3	1	2	20-14	10
5	Sumqayıt FK	6	2	0	4	15-20	6
6	Rəvan FK	6	1	1	4	12-20	4
7	AZAL PFK	6	0	2	4	10-24	2