Bu gün "Coca Cola" şirkətinin dəstəyi ilə media və YAP rayon təşkilatları arasında futbol üzrə növbəti turun oyunları keçirilib. Siasport idman portalının məlumatına görə, günün ilk qarşılaşması - YAP Binəqədi rayon təşkilatı – "Yeni Azərbaycan" qəzeti matçı baş tutmayıb. Buna səbəb media nümayəndələrin oyuna gəlməməsi olub. Belə olduqda YAP Binəqədi rayon təşkilatı komandasına texniki qalibiyyət verilib.
Günün maraqlı qarşılaşması YAP Sabunçu rayon təşkilatı – "İki sahil" qəzeti arasında keçirilib. Gərgin mübarizə şəraitində keçən oyunda qapılara 10 qol vurulub. Oyun jurnalistlərin qələbəsi ilə başa çatıb 4:6.
Turun baş tutmayan oyunlar siyahısına "Xalq" qəzeti – YAP Yasamal rayon təşkilatı matçı da yazılıb. Media nümayəndələri oyunda iştirak etmədiyinə görə, texniki məğlubiyyət ilə barışmalı olublar.
Günün son matçı YAP Nərimanov rayon təşkilatı – YAP Nizami rayon təşkilatı arasında baş tutub. Gərgin keçən oyun mübarizəsində sevinən tərəf YAP Nərimanov rayon təşkilatı olub. Maçtda YAP Nərimanov rayon təşkilatı 3:2 hesabı ilə qalib gəlib.
Bütün xəbərlər Facebook səhifəmizdə
USD
EUR
GBP
RUB