Dünən AFFA-nın Apellyasiya və Ekspert Komitəsinin iclası keçirilib. Siasport idman portalının məlumatına görə, iclasda "Neftçi" PFK-nın müraciətinə baxılıb. Aparılan müzakirələrdən sonra aşağıdakı qərarlar qəbul olunub:
1. AFFA-nın İntizam Komitəsinin "Neftçi" PFK-nın baş məşqçisi Böyükağa Hacıyev barədə çıxardığı 09.04.2013-cü il tarixli qərarı qismən dəyişdirilsin. Baş məşqçi Böyükağa Hacıyev intizam tədbiri olaraq 3 oyunluq kənarlaşdırılsın, digər 7 oyunluq cəzadan isə 6 aylıq sınaq müddəti tətbiq edilməklə azad olunsun. 6 aylıq sınaq müddəti ərzində baş məşqçi Böyükağa Hacıyev analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunan cəzaya əlavə olunsun.
2. AFFA-nın İntizam Komitəsinin "Neftçi" PFK-nın məşqçisi Bəxtiyar Musayev barədə çıxardığı 09.04.2013-cü il tarixli qərarı qüvvədə saxlanılsın.
Bütün xəbərlər Facebook səhifəmizdə
USD
EUR
GBP
RUB