Xəbər verdiyimiz kimi, Özbəkistanın Daşkənd şəhərində ağır atletika üzrə yeniyetmə oğlanlar və qızlar arasında Dünya Birinciliyi keçirilir.Siasport.az saytının məlumatına görə, bu gün millimizin üzvlərindən Orxan Həsənli 62 kq çəki dərəcəsinin B qrupunda mübarizə aparıb. Birdən qaldırma hərəkətində əvvəlcə 95 kq-ı qaldıran gənc atletimiz, sonra sifariş verdiyi 100 kq-ı yalnız iki cəhddə ram edə bilib. Orxan bu hərəkətdə 10-cu pillədə qərarlaşıb. Təkan ilə qaldırma hərəkəti isə bir qədər uğursuz alınıb. O.Həsənli ilk sifarişi olan 119 kq-ı yalnız üçüncü yanaşmada qaldıra bilib və bu hərəkətdə 16-cı olub.
Qeyd edək ki, toplamda 219 kq ilə (100 kq + 119 kq) Orxan Həsənli "B" qrupunda 14-cü yerdə qərarlaşıb. İdmançının yekun sıralamadakı yeri "A" qrupundakı yarış bitəndən sonra məlum olacaq.
Bütün xəbərlər Facebook səhifəmizdə
USD
EUR
GBP
RUB