Özbəkistanın Daşkənd şəhərində ağır atletika üzrə yeniyetmə oğlanlar və qızlar arasında Dünya Birinciliyi davam edir. Dünən millimizin oğlan üzvlərindən sonra bir qız idmançımız da mötəbər yarışda gücünü sınayıb. Məhərrəmova Mərziyyə 48 kq çəki dərəcəsinin "A" qrupunda çıxış edib. İlk dəfədir dünya çempionatında yarışan gənc atletimiz birdən qaldırma hərəkətində əvvəlcə 60 kq çəkinin öhdəsindən gəlib. Ancaq təəssüf ki, sonra sifariş verdiyi 63 kq-ı ram etmək idmançımıza qismət olmayıb. M.Məhərrəmmova təkanla qaldırma hərəkətində bir qədər yaxşı çıxış edib. O, əvvəlcə 75 kq, sonra isə 78 kq-ı başı üzərinə qaldıra bilib. Mərziyyənin 80 kq-a yanaşması isə uğursuz alınıb.
Beləliklə, yarışları toplam 138 kq ilə (60 kq + 78 kq) başa vuran idmançımız yekun sıralamada 12-ci yeri tutub.
Bütün xəbərlər Facebook səhifəmizdə
USD
EUR
GBP
RUB