Böyükağa Hacıyev 10 oyunluq cəza aldı, "Neftçi" isə ziyana düşdü

AFFA-nın İntizam Komitəsi qərarlar qəbul edib. Siasport.az saytı qəbul olunan qərarları diqqətinizə çatdırır:

06 aprel 2013-cü il, 2012/2013 mövsümündə, XXI Topaz Premyer Liqasının XXV turunun "Neftçi" - "Qarabağ" matçında hər iki klubun 4 futbolçusu sarı vərəqə ilə cəzalandığı üçün klublar 1000 manat cərimə olunur (maddə 40).

Oyunun 21, 25-ci dəqiqələrində "Qarabağ" klubu, 16, 42 və 72-ci dəqiqələrində "Neftçi" klubunun azarkeşləri tərəfindən pirotexniki vasitələr, fişənglərin istifadəsinə və meydançaya atılmasına görə hər iki klub 2000 manat cərimə olunur (maddə 52).

Oyunun 44-cü dəqiqəsində "Neftçi" klubunun 5 №-li futbolçusu İqor Mitreski sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Oyunun fasiləsi zamanı "Neftçi" klubunun məşqçisi Bəxtiyar Musayev meydançada hakimlərə qarşı aqressiv jestlərə görə 5 oyunluq cəzalanır, klub 5000 manat cərimə olunur (maddə 42.4).

Mətbuat konfransında "Neftçi" klubunun baş məşqçisi Böyükağa Hacıyev AFFA və PFL əməkdaşları haqqında qeyri-etik ifadələr işlətdiyinə görə 10 oyunluq cəzalanır, klub 20 000 manat cərimə olunur (maddə 81).

Matç zamanı və matçdan sonra stadionda təhlükəsizlik təmin olunmadığı üçün meydan sahibi "Neftçi" klubu 5000 manat cərimə olunur (maddə 50).

Hər iki klubun azarkeşləri tərəfindən stadionun oturacaqları sındırıldığı üçün "Bakcell Arena" stadionunun rəhbərliyinin dəymiş zərərə uyğun olaraq klublara təqdim edəcəyi hesab əsasında ödəmə etsinlər.

Hakimlərin idarəçiliyinə Hakimlər Komitəsində baxılsın və İntizam Komitəsinə məlumat verilsin.

07 aprel 2013-cü il, 2012/2013 mövsümündə, XXI Topaz Premyer Liqasının XXV turunun "Rəvan" – "Sumqayıt" matçında "Sumqayıt" klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

04 aprel 2013-cü il, 2012/2013 mövsümündə, XXI Topaz Premyer Liqasında çıxış edən klubların əvəzedici heyətlərinin XXV turunun "Qəbələ" - "Simurq" matçında "Qəbələ" klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

05 aprel 2013-cü il, 2012/2013 mövsümündə, XXI Topaz Premyer Liqasında çıxış edən klubların əvəzedici heyətlərinin XXV turunun "Neftçi" - "Qarabağ" matçının 88-ci dəqiqəsində "Qarabağ" klubunun 19 №-li futbolçusu Emin Əliyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

06 aprel 2013-cü il, 2012/2013 mövsümündə, XXI Topaz Premyer Liqasında çıxış edən klubların əvəzedici heyətlərinin XXV turunun "Rəvan" - "Sumqayıt" matçında "Rəvan" klubunun 5 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

Oyunun 60-cı dəqiqəsində "Rəvan" klubunun 90 №-li futbolçusu Orxan Orucov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 manat cərimə olunur (maddə 42.3).

06 aprel 2013-cü il, 2012/2013 mövsümündə, Azərbaycan I Divizionunun XX turunun MOİK – "Şahdağ" matçının 71-ci dəqiqəsində MOİK klubunun 20 №-li futbolçusu Vüqar Əsgərov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Oyunun 90+5-ci dəqiqəsində "Şahdağ" klubunun 19 №-li futbolçusu Natiq Abbasov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur (maddə 37.1).

07 aprel 2013-cü il, 2012/2013 mövsümündə, Azərbaycan I Divizionunun XX turunun "Bakılı" – "Qaradağ Lökbatan" matçının 62-ci dəqiqəsində "Bakılı" klubunun 5 №-li futbolçusu Nahid Mehrəliyevlə, "Qaradağ Lökbatan" klubunun 17 №-li futbolçusu Novruz Ələkbərov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldıqları üçün hər iki futbolçu 1 oyunluq cəzalanır, klublar 20 manat cərimə olunur (maddə 48).

07 aprel 2013-cü il U-19 Liqasının "Qarabağ" – "Qəbələ" matçının 87-ci dəqiqəsində "Qəbələ" klubunun 55 №-li futbolçusu Tərlan Əhmədovla, "Qarabağ" klubunun 23 №-li futbolçusu Coşqun Qorçuyev bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün futbolçular 3 oyunluq cəzalanır (maddə 42.1).

03 aprel 2013-cü il U-19 Liqasının "Qarabağ" – "Bakı" matçının 42-ci dəqiqəsində "Qarabağ" klubunun 16 №-li futbolçusu Elçin Rəhimli kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır (maddə 37.1).

11 mart 2013-cü il "Azercell U-17 Liqa"da "Xəzər Lənkəran" – "Turan" matçında "Turan" klubu iştirak etmədiyi üçün kluba 0:3 hesablı texniki məğlubiyyət verilir (maddə 56).

01 aprel 2013-cü il "Azercell U-17 Liqa"nın "Simurq" – "Rəvan" matçının 70-ci dəqiqəsində "Simurq" klubunun 11 №-li futbolçusu Yusif Dilanov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır (maddə 37.1).

01 aprel 2013-cü il "Azercell U-17 Liqa"nın "Gənclik" – "Xəzər Lənkəran" matçının 29-cu dəqiqəsində "Xəzər Lənkəran" klubunun 17 №-li futbolçusu Zaur Nuruzadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır (maddə 37.1).

01 aprel 2013-cü il "Azercell U-17 Liqa"nın "Turan" – "Neftçi" matçının 68-ci dəqiqəsində "Neftçi" klubunun 9 №-li futbolçusu Ülvi Sarıyev komanda yoldaşını təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır (maddə 42.1).

04 aprel 2013-cü il U-16 Liqasının "Bakı" – "Sumqayıt" matçının 80-ci dəqiqəsində "Bakı" klubunun 21 №-li futbolçusu Ülvi Əliyev kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

04 aprel 2013-cü il U-16 Liqasının "Qarabağ" – "Qəbələ" matçının 66-cı dəqiqəsində "Qarabağ" klubunun 11 №-li futbolçusu Elmir Namazovla "Qəbələ" klubunun 8 №-li futbolçusu Çingiz Hüseynov aqressiv oyuna görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 4 oyunluq cəzalanır (maddə 38.3).

05 aprel 2013-cü il "Kapital Bank U-15 Liqa"nın "Bakı" – "Qarabağ" matçının 60-cı dəqiqəsində "Qarabağ" klubunun baş məşqçisi İsa Fərzəliyev hakimi təhqir etdiyinə görə meydandan kənarlaşdırıldığı üçün 5 oyunluq cəzalanır (maddə 42.4).

04 aprel 2013-cü il U-14 Liqasının "Neftçi" – "Neftçi İSM" matçının 48-ci dəqiqəsində "Neftçi İSM" klubunun 3 №-li futbolçusu Emin Ələsgərov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

07 aprel 2013-cü il U-14 Liqasının "Neftçi" – "İnter" matçının 47-ci dəqiqəsində "Neftçi" klubunun 15 №-li futbolçusu Fərid Səmədov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

06 aprel 2013-cü il U-14 Liqasının TİM (Gəncə) – "Şəmkir" matçının 49-cu dəqiqəsində TİM (Gəncə) klubunun 5 №-li futbolçusu Müzadil Mahmudov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

07 aprel 2013-cü il U-14 Liqasının UGİM (Mingəçevir) – "Qəbələ" matçının 43-cü dəqiqəsində "Qəbələ" klubunun 3 №-li futbolçusu Aqşin Hüseynov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 37.1).

06 aprel 2013-cü il U-14 Liqasının UGİM (Mingəçevir) – UGİM (Bərdə) matçının 58-ci dəqiqəsində UGİM (Mingəçevir) klubunun 6 №-li futbolçusu Ziyad Hüseynli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

06 aprel 2013-cü il Coca-Cola U-13 Liqasının ROİL – "Sərhədçi" matçında "Sərhədçi" klubu iştirak etmədiyi üçün kluba 0:3 hesablı texniki məğlubiyyət verilir (maddə 56).

06 aprel 2013-cü il Coca-Cola U-13 Liqasının AZAL – "Qarabağ" matçının 26-cı dəqiqəsində AZAL klubunun 14 №-li futbolçusu Hüseyn Seyidov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

07 aprel 2013-cü il Futzal üzrə Azərbaycan birinciliyinin "Fənərbağça" – "Baku Fire" matçının 24-cü dəqiqəsində "Fənərbağça" klubunun 17 №-li futbolçusu Sərxan Məstiyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

07 aprel 2013-cü il Həvəskarlar arasında Futzal üzrə Azərbaycan birinciliyinin "Ulduz" – "Azercell" matçının 29-cu dəqiqəsində "Ulduz" klubunun 17 №-li futbolçusu Səid Talıbzadə sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

07 aprel 2013-cü il Həvəskarlar arasında Futzal üzrə Azərbaycan birinciliyinin "Seniors" – "Uğur" matçının 49-cu dəqiqəsində "Uğur" klubunun 11 №-li futbolçusu İlqar Talıbov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

06 aprel 2013-cü il Həvəskarlar arasında Futzal üzrə Azərbaycan birinciliyinin "Akkord" – "Qəbələ" matçında "Qəbələ" klubu iştirak etmədiyi üçün kluba 0:5 hesablı texniki məğlubiyyət verilir (maddə 56).