Moskvada Yana Batırşinanın mükafatları uğrunda bədii gimnastika üzrə 2-ci açıq turnir keçirilib. Siasport.az saytının məlumatına görə, gənc Azərbaycan gimnastı Leyli İbrahimova turnirin qaliblərindən biri olub. O, 2001-ci il təvəllüdlü idmançılar arasında birinci yeri tutub. Leylinin məşqçisi Nurlanə Əlizadədir.
Azərbaycanın daha iki nümayəndəsi - Lalə Kramarenko (2004) və Ruqiyyə Səttarova (2000) 3-cü yeri tutublar.
Yarışda Azərbaycan, Rusiya, Ukrayna, Özbəkistan, Macarıstan və Kiprdən gənc gimnastlar iştirak ediblər.
Qeyd edək ki, fəxri kürsüyə qalxanlara mükafatları yaxın keçmişdə məşhur olan gimnastlar, o cümlədən Azərbaycan idmançısı Aliyə Qarayeva təqdim edib.
Bütün xəbərlər Facebook səhifəmizdə
USD
EUR
GBP
RUB