Azərbaycanlı alpinist, Azərbaycan Alpinizm Federasiyasının (AAF) üzvü Rüfət Qocayev Avropanın ən yüksək zirvəsini fəth edib. AAF-ın mətbuat xidmətindən Siasport.az saytına verilən məlumata görə, bu gün Bakı vaxtı ilə saat 13:15-də R.Qocayev və iki ukraynalı alpinist ardıcıl olaraq müvəffəqiyyətlə "Elbrus"un hər iki zirvəsinə qalxıblar. R.Qocayev telefonla bildirib ki, səhər saat 08:30 radələrində onlar "Elbrus"un qərb zirvəsini (5642m) fəth ediblər.
5300 metr hündürlüyündəki dağ çökəyinə enəndən sonra, Rüfət və yoldaşları şərq zirvəsini fəth etmək üçün hərəkətə başlayıblar və saat 11:00-da bu zirvəni də fəth etməyə müvəffəq olublar (5621m).
Ekspedisiyanın digər iştirakçıları isə yalnız qərb zirvəsinin ikibaşlı dağına qalxmaqla kifayətləniblər.
Bütün xəbərlər Facebook səhifəmizdə
USD
EUR
GBP
RUB